ДУШАНБЕ, 13 ноя — Sputnik. Маълум шуд, одамоне, ки пас аз шифо ёфтан аз маризии COVID - 19 ниқоби тиббӣ намепӯшанд, хатарноктарин паҳнкунандаи вирус ҳастанд.
Би гуфти пизишки шоистаи Русия, пулмонолог, доктори илмҳои тиб Александр Карабиненко маҳз шаҳрвандоне, ки коронавирусро паси сар карданд, барои дигарон хатари бузург доранд.
Карабиненко дар суҳбат бо "Лента.ру" таъкид кард, ки коронавирус пас аз сиҳат шудани бемор озодона метавонад дигаронро сироят кунад.
Коршинос қайд кард, ки мутаассифона миёни беморон бештари вақт ҷавонон ҳастанд, ки камтар ба гап гӯш медиҳанд ва нисбати саломатии худу атрофиён беғам ҳастанд.
Ба ҳамин далел, пизишк қайд мекунад, ки новобаста аз шифо ёфтан, бояд сартосар ҳама ниқоби тиббӣ пӯшанд.
Табиб гуфт, истеъмоли кадом хӯрокҳо ҳангоми гирифторӣ ба COVID-19 манъ аст
Пештар муовини раҳбари Пажӯҳишгоҳи марказии Роспотребнадзор Александр Горелов гуфта буд, аксари кӯдакон бемории коронавирусро ба осонӣ паси сар мекунанд, вале вирус дар бадани онҳо дар қиёс бо бадани калонсолон дарозтар зинда мемонад.
Ин маънои онро дорад, ки кӯдакон беш аз ҳама метавонанд, манбаъи сирояткунӣ бошанд.
