Дар Душанбе зани 34-сола бо мошини рабудааш дастгир шуд

© Sputnik / Anar MustafayevДевушка в наручниках, фото из архива
Девушка в наручниках, фото из архива - Sputnik Тоҷикистон
Обуна шудан
Кормандони Вазорати умури дохилаи Тоҷикистон хабар дод, ки дар шаҳри Душанбе зани 34-сола бо гумони ғайриқонунӣ ҳай карда бурдани автомобил дастгир карда шуд

ДУШАНБЕ, 10 окт — Sputnik. Бино бар иттилои дафтари матбуоти ВУД Тоҷикистон, кормандони милитсия дар шаҳри Душанбе назди мағозаи “Гулистон” зани 34-соларо, ки бо мошини рабудааш будааст, дастгир намуданд.

Водитель за рулем автомобиля, архивное фото - Sputnik Тоҷикистон
Мошиндуздӣ дар Душанбе: мошинро рабуду ба дарвоза бархӯрд

Гуфта шудааст, ки номбурда, шаби 8 ба 9-уми октябри соли 2020, тахминан соати 03:30-дақиқа, автомашинаи мусофиркаши Ширкати “Сафар Ориён”, тамғаи “Хонда Элантра”-ро, ки ба марди 31-солаи сокини ҷамоати деҳоти Чортеппаи ноҳияи Рӯдакӣ тааллуқ дорад ва дар пеши нуқтаи фурӯши “Тезтайёр”, воқеъ дар кӯчаи Н.Қарабоев беназорат меистод, ғайриқонунӣ ҳай карда бурдааст.

ВУД Тоҷикистон таъкид доштааст, ки номбурда дар назди мағозаи “Гулистон”, воқеъ дар кӯчаи Неъмат Қарабоеви пойтахт аз ҷониби кормандони милитсия ҳамчун гумонбар дар ғайриқонунӣ ҳай карда бурдани автомобил дастгир карда шуд.

Дар ҳоли ҳозир, кормандони милитсияи Тоҷикистон аз рӯи ҳодисаи мазкур тафтишотро идома доранд.

Лентаи хабарҳо
0