Ӯзбекистон парвозҳои мунтазамро бо Қазоқистон сар кард

Самолет Uzbekistan Airways
Самолет Uzbekistan Airways - Sputnik Тоҷикистон
Обуна шудан
Созиш дар бораи барқарор кардани парвозҳо пас аз натиҷаи гуфтушунидҳои мақомоти ду кишвар ҳосил шудааст

ДУШАНБЕ, 13 сен — Sputnik. Ӯзбекистон ва Қазоқистон парвозҳои мунтазамро аз 11 сентябр расман барқарор кардаанд.

Контрольно-пропускной пункт  на границе c Кыргызстаном - Sputnik Тоҷикистон
Қирғизистон марзҳояшро ба рӯи Ӯзбекистон боз мекунад

Созиш дар бораи барқарор кардани парвозҳо пас аз натиҷаи гуфтушунидҳо байни намояндагони мақомоти ду кишвар ҳосил шудааст.

 Дар ин бора вазорати нақлиёти Ӯзбекистон  хабар додааст.

Дар иттилояи қайд карда мешавад, ки Uzbekistan Airways ва Air Astana парвозҳои рӯзҳои ҷумъаро дар масири Тошканд - Алмаато - Тошканд баробар анҷом медиҳанд.

Қаблан Ситоди ҷумҳуриявии Қирғизистон оид ба мубориза бо коронавирус низ дар бораи барқарор кардани парвозҳои мунтазам байни Бишкек ва Тошканд аз 14 сентябр хабар дода буд.

Гуфта мешавад, парвозҳо дар ин масир ҳафтае як маротиба анҷом дода мешаванд.

Ёдовар мешавем: мақомоти Узбакистон аз 16 март ба ин сӯ бинобар таҳдиди паҳншавии коронавирус ҳама парвозҳои байналмилалиро бо дигар кишварҳо манъ карданд.

Аммо, бинобар сабук гардидани низоми карантини ҷорӣшуда, аввали моҳи сентябр Комиссияи махсус дастури муваққатӣ оид ба тартиби парвозҳои доимӣ бо кишварҳои хориҷиро дар давраи пандемияи COVID-19 тасдиқ кард.

Қазоқистон парвозҳои мунтазамро бо Русия ва 6 кишвари дигар барқарор мекунад

Ба мақомоти дахлдор супориш дода шуд, ки барои барқарорсозии тадриҷии иртиботи байналмилалӣ (ҳавоӣ, роҳи оҳан, роҳ) тавассути гуфтушунид бо мутахассисони хориҷӣ чораҳо андешанд.

Лентаи хабарҳо
0