ДУШАНБЕ, 8 сен — Sputnik. Мукофотро муовини сарвазири кишвар Ширин Исматуллозода ба кормандони муассисаҳои зерсохтори вазорат супорид.
Бино ба гузориши Вазорати фарҳанги Тоҷикистон, панҷ корманди ин ниҳод бо Фармони Президенти Ҷумҳурии Тоҷикистон ба муносибати 29-солагии Истиқлол, бо мукофоти давлатӣ қадрдонӣ шуданд.
Ҳамин тавр, барои хизматҳои назаррас дар рушди соҳа муҳаррири пешбари Муассисаи давлатии «Энсиклопедияи миллии Тоҷикистон» Алишер Муҳаммадӣ, корманди Муассисаи давлатии «Энсиклопедияи миллии Тоҷикистон» Шаҳрбону Мусозода, ҳунарпешаи Театри давлатии академии драмавии ба номи А. Лоҳутӣ Сония Наврӯзова, омӯзгори Донишкадаи давлатии санъати тасвирӣ ва дизайни Тоҷикистон Маҳмадкарим Рақибов ва собиқ директори нашриёти «Ирфон» Нуралӣ Ҳасанов бо медали “Хизмати шоиста” сарфароз гардонида шуданд.
Манбаъ афзуда, ки мукофоти собиқ директори нашриёти «Ирфон» Нуралӣ Ҳасанов, ки аз олам гузаштааст, ба писараш Раҳмон Ҳасанов супорида шуд.
Стотский ва Исозода бо медалҳои “Ҷасорат” ва “Хизмати шоиста” сарфароз гардонида шуданд
Ширин Исматуллозода аҳли фарҳангу ҳунарро бо ҷашни Истиқлолияти давлатии Ҷумҳурии Тоҷикистон муборакбод гуфта, иброз доштааст, ки "фарҳанги миллӣ ташаккулдиҳандаи тарбияи ахлоқию эстетикии ҳар қавму миллат ба шумор рафта, дар баланд бардоштани ҳисси худшиносиву худогоҳӣ ва ватандӯстию маърифатпарварӣ нақши ҳалкунанда мебозад".
Дар Тоҷикистон 11 генерал зиёд шуд: Раҳмон ба низомиён мукофоту рутбаҳои ҳарбӣ супорид
