Дар Тоҷикистон, сарфи назар аз пандемия, шумораи бекорон коҳиш ёфтааст

© Sputnik / © Sputnik / Амир ИсаевГрузчики на рынке Мехргон
Грузчики на рынке Мехргон - Sputnik Тоҷикистон
Обуна шудан
Пандемияи ҷаҳонии коронавирус дар Тоҷикистон ба шумораи ҷойҳои нави корӣ таъсир нарасонд, балки ба арзиши хидматрасонии кормандон дар бозори дохилӣ таъсир расонд

ДУШАНБЕ, 26 авг — Sputnik. Аз аввали соли ҷорӣ дар Тоҷикистон дар корхонаю ташкилотҳои мухталиф беш аз 24,6 ҳазор ҷойҳои нави корӣ таъсис дода шудаанд, иттилоъ медиҳад Агентии омори ҷумҳурӣ.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд - Sputnik Тоҷикистон
Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Ҳамин тариқ, дар пасманзари пандемияи коронавирус шумораи бекорон дар Тоҷикистон қариб 1% коҳиш ёфтааст.

Тибқи маълумоти Агентии омор, беш аз 15,7 ҳазор ё 64% тамоми ҷойҳои нави корӣ барои одамон доимӣ мебошанд.

Дар баробари ин, боз 3,7 ҳазор ҷойҳои корӣ барқарор карда шуданд.

Айни замон, дар мақомоти меҳнатӣ шумораи расмии бекорони ба қайд гирифташуда 51,5 ҳазор нафарро ташкил медиҳад. Ин, дар навбати худ, нисбати нишондиҳандаи ҳамин давраи соли 2019 0,9% камтар аст.

Дар маҷмӯъ, аз оғози сол дар мақомоти меҳнат ва шуғли аҳолии Тоҷикистон беш аз 75 ҳазор нафар сабти ном шудааст. Тибқи маълумоти Агентии омор, ин нишондиҳанда, нисбат ба як соли пеш 3,2% камтар аст.

Дар Русия 40% муҳоҷирон бо сабаби коронавирус бекор мондаанд

Коршиносон қайд мекунанд, ки пандемияи коронавирус ба бозори меҳнат таъсири манфӣ расонидааст ва бинобар баста шудани сарҳадҳо замони авҷи рафтани муҳоҷирони меҳнатӣ аз баҳори соли 2020, аксари онҳо натавонистанд ба кор раванд.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Ин ҳамзамон ба паст шудани арзиши хизматрасонӣ барои коргарон дар бозори дохилӣ таъсир расонид.

Лентаи хабарҳо
0