ДУШАНБЕ, 24 авг — Sputnik. Тибқи иттилои дафтарим атбуотии ин ниҳод, садмаи мудҳиш рӯзи гузашта, тахминан соати 11:00 дар роҳи Деваштич-Истаравшан сар задааст.
Ба иттилои манбаъ,, ронандаи автомашинаи тамғаи “Опел-Астра”, Тоҷиев Азизбеки 26 сола, сокини ҷамоати деҳоти Яхтани ноҳияи Деваштич, ҳангоми ҳаракат аз самти ноҳияи Деваштич ба самти шаҳри Истаравшан, воқеъ дар ҷамоати деҳоти Зарҳалол аз уҳдаи идора намудани воситаи нақлиёт набаромада, ба худрави тамғаи “Опел-Астра”, таҳти идораи ронанда, Ботуров Ҷаҳонбек Хоҷаназаровичи 37 сола, сокини ҷамоати деҳоти Нофароҷ бархӯрдааст.
Гуфта мешавад, дар натиҷа, мусофирони автомашинаи “Опел-Астра”, Мирғиёсева Шоира Худойбердиевнаи 45 сола, Абдуллоева Тутиниссои 79 сола ва Холиқбердиева Мавлудаи 33 сола, сокинони ҷамоати деҳоти Яхтани ноҳияи Деваштич, ҷароҳатҳои гуногуни ҷисмонӣ бардошта, ҳангоми ба беморхона дастрас намудан, дар роҳ ба ҳалокат мерасанд.
Садамаи ноболиғ назди "Ҳаят реҷенсӣ": бидуни ҳуҷҷати ронандагӣ ва бо суръати баланд -навор Вазорат мегӯяд, аз рӯи ин ҳодисаҳо таҳқиқот идома дорад.
