Як тоҷикистонии дигар аз COVID-19 фавтид: омори нави Вазорати тандурустӣ

© AP / Ebrahim NorooziЛюди в защитных костюмах проводят церемонию погребения человека умершего от COVID-19
Люди в защитных костюмах проводят церемонию погребения человека умершего от COVID-19 - Sputnik Тоҷикистон
Обуна шудан
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи охир дар ҷумҳурӣ 32 ҳолати нави сирояти COVID-19 ва як ҳолати фавт аз ин вирус сабт шуд

ДУШАНБЕ, 18 авг — Sputnik. Тибқи иттилоияи Вазорати тандурустии Тоҷикистон, дар маҷмуъ коронавирус дар муддати аз 30 апрел то санаи 18 август 8131 ҳолати сирояти коронавирус ба қайд гирифта шуд.

Свеча - Sputnik Тоҷикистон
Даргузашти Бобоев дар дармонгоҳи "Истиқлол": иллати марги ӯ номаълум аст

Манбаъ афзуд, ки то имрӯз аз миёни гирифторшудагон  6 ҳазору 935  нафар ё худ 85,2%-и беморон аз COVID-19 шифо ёфта, бар асари он 65 нафар фавтидаанд.

“Дар шабонарӯзи охир таҳти назорати табибон 73  нафар гумонбарон қарор дошта, 38 нафар бемор баъд аз табобат аз муассисаҳо ба хона ҷавоб дода шуданд”, - омадааст дар иттилоияи расмӣ.

Таъкид шудааст, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

Лентаи хабарҳо
0