ДУШАНБЕ, 2 авг — Sputnik. Сухангӯи беҳдошт, дармон ва омӯзиши пизишкии Эрон хабар медиҳад, ки шабонарӯзи гузашта ҳудуди 2 ҳазор мавориди ҷадиди сироятшавӣ ба ин маризӣ сабт гардида, ҳамзамон 258 нафар давоми як рӯз беҳбуд ёфта аз дармонгоҳҳомураххас гардиданд.
Симо Содот Лорӣ гуфт дар 24 соати гузашта, ду ҳазору 685 бемори нави мубтало ба КОВИД-19 дар Эрон шиносоӣ шуд, ки як ҳазору 423 нафар бистарӣ шуданд ва бақияи беморон низ пас аз муоина ва дарёфти дору, давраи дармонро дар хонаҳояшон хоҳанд гузаронд.
Афзоиши рекордии гирифторони COVID - 19 дар Ӯзбекистон: аз 25 ҳазор гузашт
Лорӣ бо баёни ин, ки маҷмуи беморони КОВИД-19 дар Эрон ба 309 ҳазору 437 нафар расидааст, афзуд дар 24 соати гузашта 208 нафар аз беморони КОВИД-19 дар Эрон ҷони худро аз даст доданд ва маҷмуи ҷонбохтагони ин беморӣ ба 17 ҳазору 190 нафар расидааст.
Ба гуфтаи сухангӯи Вазорати беҳдошти Эрон то кунун 268 ҳазору 102 нафар аз беморон низ беҳбуд ёфта ё аз бемористонҳо тархис шудаанд.
Теъдоди афроди мубтало ба вируси корона дар ҷаҳон низ ба беш аз 18 миллион нафар расидааст, ки аз ин теъдод ҳудуди 690 ҳазор нафар ҷон бохта ва дасти кам 11 миллиону 345 ҳазор нафар низ беҳбуд ёфтаанд.
