ДУШАНБЕ, 18 июл — Sputnik. Арзиши манзил дар Тоҷикистон ба таври назаррас коҳиш ёфтааст, хабар дод дар нишасти матбуотӣ роҳбари Кумитаи меъмории кишвар Ҷамшед Аҳмадзода.
Бино бар иттилои кумита, арзиши ҳар як метри квадратӣ дар Душанбе ду соли охир дар ҳудуди 626 доллар буд.
Дар соли 2020 дар манзилҳои бисёрҳуҷрагӣ дар Душанбе азриши як метри квадратӣ то 544 доллар арзон шудааст. Дар ширкати "Манзили дастрас" бошад, он 360 долларӣ нархгузорӣ шудааст.
Барои мисол Аҳмадзода арзиши манзилро дар дигар кишварҳо гуфт: дар Туркманистон ин нишондод 2,4 ҳазорро ба як метри квадратӣ ташкил медиҳад, дар Русия бештар аз 3,3 ҳазор доллар ва дар Қазоқистон 953 доллар аст.
Раиси кумита афзуд, ки дар нимсолаи аввал дар Тоҷикистон 469 ҳазор метри квадратӣ ба истифода дода шудааст.
