Нуралиев гуфт, кадом созмон ба Тоҷикистон чанд пул дод

© Национальный банк РТПервый Зампред Нацбанка РТ Джамолиддин Нуралиев, архивное фото
Первый Зампред Нацбанка РТ Джамолиддин Нуралиев, архивное фото - Sputnik Тоҷикистон
Обуна шудан
Ҷамолиддин Нуралиев, ноиби аввали раиси Бонки миллии Тоҷикистон зимни ҷаласаи васеъ изҳор дошт, ки тайи 6 моҳи аввали соли равон созмонҳои молиявии байналмилалӣ ба кишвар зиёда аз 300 миллион доллар доданд

ДУШАНБЕ, 17  июл — Sputnik. Ба иттилои Нуралиев, бо мақсади дастгирии иқтисодиёти кишвар дар вазъи душвори иқтисоди ҷаҳонӣ дар нимсолаи аввали соли 2020 дар маҷмӯъ ба маблағи 300,8 миллион доллар маблағгузориҳо аз ташкилотҳои байналмилалии молиявӣ ҷалб карда шуд.

Министр образования и науки Таджикистана Имомзода Мухаммадюсуф Сайдали - Sputnik Тоҷикистон
Бисёре аз тарс фавтиданд: вазир-академик Имомзода гуфт, мардумро руҳбаланд бояд кард

Ӯ тавзеҳ дод, ки аз ҷумла тавассути Хазинаи Байналмилалии Асъор – 189,5 миллион доллари ИМА, Бонки Ҷаҳонӣ – 11,3 миллион доллар, Бонки рушди Осиё - 50 миллион доллар ва Бонки рушди АвруОосиё – 50 миллион доллари ИМА сармоягузорӣ ҷалб карда шуд.

"Дар оянда ҷалби маблағҳои грантӣ аз Бонки рушди Осиё дар ҳаҷми 52,5 миллион доллари ИМА ва аз Бонки Ҷаҳонӣ дар ҳаҷми 16 миллион доллари ИМА дар назар аст, ки барои рушди иқтисодиёти кишвар ва низоми бонкӣ муҳим мебошад"-хабар дод котиботи Бонки миллии Тоҷикистон аз қавли Ҷамолиддин Нуралиев.

Манбаъ илова намуд, ки дар натиҷаи гуфтушунидҳо бо ташкилотҳои байналмилалии молиявӣ, дар ин давра аз ҷониби Хазинаи Байналмилалии Асъор қарзи БМТ ба маблағи 11 миллион доллари ИМА дар соли 2020 аз эътибор соқит карда шуд.

Ҷамолиддин Нуралиев таъкид кардааст, ки пешбурди сиёсати мутавозуни пулию қарзӣ тавассути фишангҳои муосир алҳол самараи худро дода истодааст, ки нишондиҳандаҳои мусбати макроиқтисодӣ аз он шаҳодат медиҳанд. Ӯ мисол овардааст, ки дар нимсолаи аввали соли 2020 ҳаҷми маҷмӯи маҳсулоти дохилӣ (ММД) ба 32,4 миллиард сомонӣ расида, рушди воқеии он 3,5 фоизро ташкил намуд.

Лентаи хабарҳо
0