ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.
Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.
Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо
Ин меъёрҳоро гурӯҳи машваратии эпидемиологҳо таҳия намуданд.
Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.
Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.
