ДУШАНБЕ, 25 июн — Sputnik. Ба иттилои ВУД, санаи 24-уми июни соли 2020, тахминан соатҳои 15:30 дақиқа, ронандаи автомашинаи тамғаи “Опел-Зафира”, Суҷоатов Иноят аз уҳдаи идораи нақлиёт набаромадааст.
Ронанда Суҷоатов, сокини 59-солаи ноҳияи Мастчоҳ, ҳангоми ҳаракат дар шоҳроҳи Душанбе-Хуҷанд-Чанок дар ҳудуди деҳаи 40-солагии Дилварзин аз уҳдаи идораи воситаи нақлиёт набаромада, ба тарафи чапи роҳ чаппа шудааст.
“Мунираро пушти чанбар хоб бурду Мерседес бо 4 нафар сарозер шуд”: видеои садамаи маргбор
"Дар натиҷа мусофири автомашинаи мазкур, Охунова Хайриниссо Бобомергановна, соли таваллудаш 1978, сокини ҳамин ноҳия ҷарроҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст", - омадааст дар иттиллоияи ВУД.
Вазорати умури доохилии Тоҷикистон таъкид кард, ки феълан аз руи ин ҳодиса таҳқиқот идома дорад.
