ДУШАНБЕ, 9 июн — Sputnik. Тоҷикистон дар радабандии кишварҳои амн аз COVID-19 байни 200 кишвар ҷои 124-умро гирифтаст. Ин оморро ташкилоти Deep knowledge group тартиб додааст.
Байни дигар кишварҳои Осиёи Марказӣ ҷои 71-умро Қазоқистон, Қирғизистон – 108, Ӯзбекистон - 121 ва Туркманистон 131 гирифтаанд.
Коршиносон ҳамчунин ба замони эълон кардани маҳудудиятҳо, миқиёси он, давомнокии карантин ва риояи он, иқдомҳои дастгирии иқтисодии аҳолӣ аз ҷониби давлат аҳамият додаанд.
Бояд қайд кард, ки ба панҷгонаи аввали радабандӣ Швейсария, Олмон, Исроил, Сингапур ва Ҷопон ворид шудаанд.
Вазири сахтгир: Абдуллозода гурӯҳи кориро ба санҷиши шароити беморони коронавирус фиристод
Мавқеи ниҳоиро Лидерия, Афғонистон, Чад, Мали ва Судони Ҷанубӣ касб кардаанд.
Ёдрас мешавем, тайи бештар аз як моҳ дар Тоҷикистон 4 609 тан ба коронавирус гирифтор шуда, 48 тан фавтиданд.
Бино бар иттилои Вазорати тандурустӣ, сатҳи сироятёбӣ дар кишвар коҳиш меёбад.
