ДУШАНБЕ, 6 июн — Sputnik. Тибқи иттило дафтари матбуотии Федератсияи футболи Тоҷикистон ин тасмими Конфедератсияи футболи Осиё пас аз машварат бо ФИФА 5 июн, сурат гирифтааст.
Дастаи мунтахаби миллии Тоҷикистон, ки дар гурӯҳи “F” бозӣ мекунад, рӯзи 8 октябр бо тими миллии Муғулистон бозии хонагӣ анҷом медиҳад.
Дастпарварони Усмон Тошев боз ду вохӯриро дар мусобиқаи интихобии Ҷоми Ҷаҳон 2022 дар моҳи ноябр бо Ҷопон (12 ноябр, дар меҳмонӣ) ва Миянма (17 ноябр, дар хона) баргузор хоҳанд кард.
КФО гуфтааст, минбаъд низ назорати қатъии вазъро барои таъмини бехатарӣ ва беҳбудии ҳама дастаҳо, нафарони расмӣ, мухлисон ва ҷонибҳои манфиатдор, ва маҳдудиятҳои маҷуда дар давлатҳоро идома медиҳад ва дар сурати зарурати аз нав дида баромадани ҷадвали бозиҳо вобаста ба пандемияи COVID, ҳамаи тарафҳоро огоҳ месозад.