ДУШАНБЕ, 3 мая — Sputnik. Танҳо дар пойтахти Русия шаҳри Маскав дар як шабонарӯз 5948 мавориди нави гирифторшавӣ ба ин маризӣ сабт гардидаст.
Ба иттилои ситоди фаврӣ, шабонарӯзи гузашта дар 85 манотиқи Русия 10,6 ҳазор ҳолати мубталошавӣ ба коронавирус ба қайд гирифта шудаст.
Ба ҳамин минвол, алъон теъдоди умумии дардмандон дар Русия ба 134 ҳазор нафар баробар шудааст.
Манбаъ тавзеҳ медиҳад, ки олудашавӣ ба коронавирус аз ҳама беш дар марказ, шаҳри Маскав сабт гардидааст. Зимнан, вилоятҳои Маскав ва шаҳри Санкт - Петербург аз лиҳози мубталошавӣ ба ин марризӣ, дар мақомҳои баъдӣ ҷой гирифтаанд.
Гузашта аз ин, ситоди фаврӣ фавти 58 маризро муайян намуда, зикр мекунад, ки беш аз 1600 бемор давоми як шабонарӯз аз дармонгоҳҳо ҷавоб дода шуданд.
Дар маҷмӯъ бошад, сар аз хуруҷи ин маризӣ дар Русия 16,6 ҳазор мариз комилан шифо ёфта, аз бемористонҳо мураххас гардиданд.
