ДУШАНБЕ, 28 апрел – Sputnik. Имрӯз, соати 16:15 ба вақти маҳаллӣ дар ҳудуди Тоҷикистон заминларза ба қайд гирифта шуд, гузориш медиҳад "Ховар" дар истинод ба Академияи улуми кишвар.
Бино бар иттилои манбаъ, маркзи заминларза 149 километр дуртар аз самти ҷанубу шарқии Душанбе, дар Афғонистон ҷойгир мебошад.
"Ба иттилои маркази зилзиласанҷии Академияи миллии илмҳои Ҷумҳурии Тоҷикистон, қувваи заминларза аз рӯи ҷадвали Рихтер дар марказ 4 ва дар шаҳри Душанбе 2-3 балро ташкил дод", - омадааст дар хабарнома.
Дар натиҷаи заминҷунбӣ дар ҳудуди Ҷумҳурии Тоҷикистон хисорот ба қайд гирифта нашудааст.
Чанде пеш дар Бадахшон низ ҷунбиши замин ба қайд гирифта шуда буд. Бино бар иттилои коршиносон, қувваи заминҷунбӣ 5,4 баллро ташкил медод.
