ДУШАНБЕ, 15 апр — Sputnik. Денис Протсенко сардухтури беморхонаи "Коммунарка" дар шаҳри Маскав аз шифо ёфтани худ аз маризии коронавирус хабар додааст.
Қаблан хабар дода шуд, ки сардухтури беморхонае, ки маризони коронавирус он ҷо хобонда мешаванд, ба маризии сироятии коронавирус гирифтор шудааст.
Ба беморхонаи мазкур чанде қабл раисҷумҳури Русия Владимир Путин низ ташриф оварда буд ва аз аҳволи маризон бевосита таҳти роҳбаладии Денис Протсенко хабардор гардид.
Аз ҳазор нафар гузашт: афзоиши босуръати гирифторони коронавирус дар Ӯзбекистон
Владимир Путин пас аз аёдати беморон бо сардухтур Денис Протсенко ва пизишкон суҳбат анҷом дод.
То санаи 15 - уми апрел дар бемористони "Коммунарка" 487 нафар таҳти табобат қарор доранд. Гуфта мешавад, давоми як шабонарӯз ба ин беморхона 34 мариз оварда шуда, ҳамзамон 37 нафар шифоёфтагон мураххас шуданд.
