ДУШАНБЕ, 29 мар — Sputnik. Вазъияти паҳншавии коронавирус дар Маскав ба марҳилаи нав гузашт, изҳор дошт мири шаҳр Сергей Собянин.
Ба гуфти раиси шаҳри Маскав Сергей Собянин шумораи мубталоёни коронавирус дар Маскав рӯз то рӯз бештар мешавад.
"Дар Маскав аллакай беш аз ҳазор мубталои коронавирус сабт шудааст", - гуфт Сергей Собянин.
Дар баробари ин раиси шаҳри Маскав қайд кард, ки аксари сокинон ба маслиҳати ҳукумат гӯш дода дар манзилҳояшон монданд.
Ёдрас мешавем, ки то рӯзи 28 март дар ҳудуди Русия 1264 кас гирифтори вируси навъи COVID - 19 гардидааст.
Дар робита бо паҳншавии густурдаи коронавирус дар Русия, президенти ин кишвар Владимир Путин аз 28 март то 5 апрелро рӯзҳои таътил эълон кард.
Пизишкон аз шаҳрвандон даъват карданд, ки бо тақдир бозӣ накунанд ва дар вақти таътил ба берун набароянд.
Омори охири Ӯзбекистон дар бораи гирифторону сиҳатёфтаҳо аз коронавирус
Пандемияи коронавирус
Коронавирус авохири моҳи декабри соли 2019 дар Вуҳани Чин зуҳур кард ва зуд дар дигар кишварҳо паҳн шуд.
11 марти соли 2020 Созмони ҷаҳонии беҳдошт ин бемориро пандемия эълом кард.
То рӯзи 29 март дар 199 кишвари ҷаҳон 663,8 ҳазор кас мубталои ин беморӣ шудааст. Беш аз 30,8 нафар қурбони ин вирус шуд.
Ва хушбахтона беш аз 142,3 ҳазор кас аз он шифо ёфт.
