ДУШАНБЕ, 24 мар — Sputnik. Имрӯз, 24 март 189 мусофир аз Душанбе ба Маскав парвоз карданд. Ширкати ҳавоии "Сомон эйр" онҳоро ба воситаи парвози махсус ба фурудгоҳи Жуковскии Русия расонид.
Пештар Сафири фавқуллода ва мухтори Тоҷикистон дар Русия Имомуддин Сатторов гуфта буд, ки дар фурудгоҳи мазкур то ҳал шаҳрвандони Тоҷикистон дар мондаанд, ки бояд бо хатсайри "Уральские авиалинии" ба ватан бар мегаштанд.
Интизор меравад, ки "Сомон эйр" дар роҳи бозгашт муҳоҷирони тоҷикро ба ватан барад.
Чипта 30 ҳазор рубл: "Сомон Эйр" тоҷикони дар Маскав дармондаро ба Ватан мебарад
Ёдрас мешавем, сар аз 20 март Тоҷикистон парвозҳои байналмилалиро баст, ки сабабаш паҳншавии босуръати вируси корона мебошад.
Бо ҳамин далел, парвозҳо лағв шудаву нафароне ки пештар аз ширкатҳои ё Русия, ё Тоҷикистон билет харида буданд, ба қавли худашон дар байни осмону замин "муаллақ" монданд.
Ёдрас мешавем, Тоҷикистон дар байни кишварҳои ҳамсудаш ягона кишварест, ки шаҳрвандонаш ба вируси "тоҷдор" олуда нашудаанд.
То ҳол, дар саросар ҷаҳон, дар 186 кишвар бештар аз 300 ҳазор кас гирифтори вируси корона шудаанд.
