Русия парвозҳои ҳавоияшро бо тамоми кишварҳо қатъ кард: коронавирус сабаб шудааст

© PixabayСамолет на закате, архивное фото
Самолет на закате, архивное фото - Sputnik Тоҷикистон
Обуна шудан
Парвозҳо бо қарори Агентии федералии нақлиёти ҳавоӣ ва ҳамчунин дастури ҳукумати Русия аз нимаи шаби 23 март маҳдуд карда шудаанд

ДУШАНБЕ, 23 мар — Sputnik. Русия алоқаи ҳавоияшро бинобар сабаби таҳдиди паҳншавии коронавирус бо тамоми кишварҳои дунё қатъ кард.

Мероприятия по предотвращению распространения коронавируса - Sputnik Тоҷикистон
Дар Русия карантини коронавирус пурзӯр мешавад

Парвозҳо бо қарори Агентии федералии нақлиёти ҳавоӣ ва ҳамчунин дастури ҳукумати Русия аз нимаи шаби 23 март маҳдуд карда шудаанд.
"Аз соати 00: 00-и вақти Москва, 23 марти соли 2020, маҳдудияти муваққатӣ барои парвози ҳавопаймоҳои мусофирбар аз қаламрави Русия ба қаламрави давлатҳои хориҷӣ ҷорӣ карда мешавад", - омадааст дар иттилоияи Агентии федералии нақлиёти ҳавоӣ.

Ҳамазамон рӯйхати пойтахтҳои давлатҳое нашр шудааст, ки парвозҳо ба истисно аз Маскав ба он ҷой ва аз он ҷой танҳо ба Москва сурат хоҳад гирифт.

Ғайр аз ин, парвозҳои чартерӣ барои овардани шаҳрвандони Русия аз кишварҳои дигар анҷом дода мешаванд.

Аммо, дар иттилоияи Агентии федералии нақлиёти ҳавоӣ зикр нашудааст, ки ин маҳдудсозии парвозҳо то кай идома хоҳад ёфт.

Бино ба додаҳои ситоди зудамали Русия дар давоми шабонарӯзи охир дар кишвар 61 ҳолати нави гирифторӣ ба коронавирус ба қайд гирифта шуда, шумори умумии он ба 367 нафар мерасад.

Шумораи гирифторони коронавирус дар Русия ба 367 кас расид

Зуҳури коронавирус авохири моҳи декабри соли 2019 дар Вуҳани Чин ба қайд гирифта шуду дарҳол дар дигар кишварҳо паҳн шуд.

Миёнаҳои моҳи март Созмони ҷаҳонии беҳдошт коронавирусро пандемия эълон кард.

Бино ба гузориши СҶБ то рӯзи 22 март дар 188 кишвари ҷаҳон беш аз 315 кас гирифтори коронавирус шудааст. Беш аз 13,5 ҳазор бемор фавтида ва наздики 96 ҳазор кас шифо ёфтааст.

Лентаи хабарҳо
0