ДУШАНБЕ, 14 мар – Sputnik. Ба иттилои котиботи Вазорати умури дохилии Тоҷикистон, ҳодисаи мазкур санаи 14-уми марти соли 2020, тахминан соати 12:00, дар корхонаи ҶДММ "Давр-201"», воқеъ дар шаҳри Душанбе, кӯчаи Ҷаббор Расулов 29 А, рух додааст.
Манбаъ меафзояд, дар натиҷаи санҷиш муайян карда шуд, ки шаҳрванд Раҳимов Шаҳбози 24 - сола, истиқоматкунандаи шаҳри Турсунзода, деҳаи Қаратоғ, ҳангоми гузаронидани корҳои таъмирӣ, буридани қишри оҳан бо ҷисми омехтаи кислород расида, таркиш ба амал омад.
Дар пайи ин ҳодиса, Раҳимов дар ҷойи ҳодиса ба ҳалокат расида, се нафари дигар ҷароҳатҳои ҷисмонӣ бардошта, дар беморхона бистарӣ гардиданд.
ВУД Тоҷикистон мегӯяд, феълан санҷиши пурраи ҳолати мазкур идома дорад.
