ДУШАНБЕ, 12 март – Sputnik. Бино ба иттилои сомонаи бошгоҳи "Ювентус" дар пайи як санҷиш тести Даниел Ругани мусбат шудааст.
Ба иттилои манбаъ, ҳоло масъулини бошгоҳ ҳаммаи он нафаронеро, ки бо Руганӣ наздикӣ кардаанд, месанҷад ва ӯ ҳоло аз даста ҷудо нигоҳдорӣ мешавад.
Тими "Ювентус" Руганиро соли 2015 аз дастаи "Эмполи" харидорӣ карда буд. Дар мавсими нав бозигар 7 бозӣ дар дастаи "Ювентус" ва 7 бозии дигар дар мунтахаби Италия гузаронидааст.
Рӯзи сешанбе нахуствазири Италия Ҷузеппе Конте барои пешгирӣ аз паҳншавии коронавирус эълон кард, ки тамоми фаъолиятҳои тиҷорӣ ба истисно баъзе мағозаҳо ва дорухонаҳо қатъ карда шавад ва дар саросари кишвар маҳдудиятҳои рафту омад ҷорӣ кард.
Urgent communication. Player tested positive for COVID-19.https://t.co/JdwTzLOjR6 pic.twitter.com/L8pU59zkYf
— JuventusFC (@juventusfcen) March 11, 2020
Шумораи сироятёфтагони коронавирус дар Италия миёни кишварҳо Аврупоӣ аз ҳама боло буда ба 12 ҳазор нафар расида аст, ки ба асари он 820 нафар фавтида, паҳншавии он дар ҳоли авҷ аст.
