ДУШАНБЕ, 1 мар — Sputnik. Махфират Хидирзода, узви Комиссияи марказии интихобот ва раъйпурсии Тоҷикистон изҳор доштааст, ки то ҳол 47,1 % интихобкунандагон дар интихобот ширкат карданд.
Интихобот дар 3 ҳазору 412 қитъаи интихоботӣ идома дошта, ба гуфтаи Махфират Хидирзода то ин лаҳза ба КМИР ягон шикоят ворид нагардидааст.
"Ховар" хабар додааст, ки доир ба ҷараёни овоздиҳӣ имрӯз, 1 март мустақиман 4 маротиба- соатҳои 9, 12, 15 ва 18 хабар дода мешавад.
Маълумоти тоза доир ба иштироки интихобкунандагон соати 15:00 пешниҳод мегардад.
Тибқи иттилои КМИР, беш аз 4 миллиону 900 ҳазор овоздиҳанда барои интихобот ба рӯйхат гирифта шудаанд. Интихобот дар сурате баргузоршуда ҳисобида мешавад, ки агар зиёда аз 50% интихобкунандагон ба қитъаҳои интихоботӣ ҳозир шаванд.
Нуқтаҳои овоздиҳӣ дар Тоҷикистон аз субҳи барвақт то 20:00 бо вақти маҳаллӣ кушода хоҳанд буд ва КМИР изҳор дошт, ки ҳар ду соат натиҷаҳоро эълон хоҳад кард. Нуқтаҳои овоздиҳӣ дар Тоҷикистон аз субҳи барвақт то 20:00 бо вақти маҳаллӣ кушода хоҳанд буд ва КМИР изҳор дошт, ки ҳар ду соат натиҷаҳоро эълон хоҳад кард
