ДУШАНБЕ, 28 фев — Sputnik. Киёнуши Ҷаҳонпур, раиси Маркази равобитумумӣ ва иттилоърасонии вазорати беҳдошт, дармон ва омӯзиши пизишкии Эрон рӯзи панҷшанбе дар бораи охирин омори ибтилои қатъӣ ва фавти ношӣ аз коронавирус дар Эрон гуфт, аз рӯзи гузашта токунун бо таваҷҷуҳ ба афзоиши озмойшгоҳҳои ташхиси коронавирус, 106 ибтилои қатъӣ ташхис дода шуда ва дар ин бозаи замонӣ ҳафт нафар фавт кардаанд, иттилоъ додааст хабаргузории “Parstoday”.
Ба гуфтаи Ҷаҳонпур дар маҷмӯъ 245 нафар ибтилои қатъӣ ва 26 нафар фавти ношӣ аз коронавирус дар Эрон гузориш шудааст.
Густариши коронавирус дар моҳи декабри 2019 аз шаҳри Вуҳони Чин оғоз шуд ва зоҳиран маншаи он ҳайвоноти ғайри аҳлӣ будааст.
Ин вирус акнун илова бар 30 устони Чин, ба беш аз 40 кишвари дигар, аз ҷумла кишварҳои минтақаи ғарби Осиё сироят кардааст.
Бар асоси охирин омор, токунун беш аз 82 ҳазор нафар дар ҷаҳон ба ин вирус мубтало шудаанд, ки аз ин теъдод беш аз 32 ҳазор нафар беҳбуд ёфтаанд ва беш аз 2800 нафар низ ҷон худро аз даст додаанд.
