ДУШАНБЕ, 17 фев — Sputnik. Обҳои ташнагишикани "Лимонад №1" ва "Хаватаг №1 Докторская"-и ширкати "Евро Азия-2005"-и Ҷумҳурии Тоҷикистон дар озмуни "Маҳсулоти беҳтарин", ки дар доираи намоишгоҳи "ProdExpo-2020" дар шаҳри Москва доир шуд, соҳиби 2 медали тиллоӣ гардиданд, гузориш медиҳад "Ховар".
Назар ба иттилои сарчашма, ҳамзамон созмондиҳандаи ширкати "Евро Азия-2005"-барои саҳмгузорӣ дар соҳаи истеҳсоли хӯрокворӣ бо медал сарфароз гардид.
27-умин намоишгоҳи байналмилалии озуқаворӣ, нӯшокиҳо ва ашёи хом барои истеҳсоли онҳо "ProdExpo-2020" аз 10 то 14 феврал дар шаҳри Маскави Русия баргузор гардид, ки дар он ширкатҳои тавлидотии Тоҷикистон аз навоҳии тобеи марказ вилоятҳои Суғду Хатлон ва Бадахшон, ки ба истеҳсоли нӯшокиҳои ташнагишикан, меваҳои хушк, лимӯ, сабзавот ва маҳсулоти консервашуда машғуланд, иштирок намуданд.
Қарори Ҳукумат: сабукӣ барои тавлиди “Мерседес”-ҳои “Made in Tajikistan”
"ProdExpo-2020" бузургтарин намоишгоҳи байналмилалии озуқаворӣ ва нӯшокиҳо дар Русия ва Аврупои Шарқӣ арзёбӣ гардида, намоишгоҳи "ProdExpo-2020" беш аз 2600 иштирокчиро аз 70 кишвари ҷаҳон дар Маскав ҷамъ оварда буд.
