ДУШАНБЕ, 14 фев — Sputnik. Имрӯз, 14 феврал раисҷумҳури Тоҷикистон Эмомалӣ Раҳмон бо имзои як амр корманди Дастгоҳи иҷроияи раисҷумҳурро, ки роҳбараш Озода Раҳмон аст, барканор намудааст.
Аз нусхаи амри нашрнамудаи президент дар дафтари матбуот бармеояд, ки далели барканории Давлатзода Ҳусейн Ҳамид ба кори дигар гузаштанаш аст.
"Давлатзода Ҳусейн Ҳамид бо сабаби ба кори дигар гузаштанаш аз вазифаи сардори Раёсати коргузорӣ ва назорати Дастгоҳи иҷроияи Президенти Ҷумҳурии Тоҷикистон озод карда шавад", - омадааст дар амри президент.
Ёдрас мешавем, худи ҳамин рӯз Эмомалӣ Раҳмон дар ҳайати Ҳукумат, вазорат ва кумитаҳо таъиноти кадрӣ анҷом дод.
Ҳамчунин, раисҷумҳур 4 феврал чанде аз корманди Дастгоҳи иҷроияи президентро ҷо ба ҷо карда буд.
