ДУШАНБЕ, 2 фев — Sputnik. Вазорати корҳои дохилии Тоҷикистон аз садамаи маргбор дар ҳудуди шаҳри Гулистон хабар медиҳад.
Гуфта мешавад, ки қазия рӯзи 31 январ ба вуқӯъ пайвастааст.
Бархӯрди маргбори "Шакман" ва "Опел-Астра" дар ҳудуди ноҳияи Данғара
Тибқи иттилои Вазорати корҳои дохилӣ, ронандаи автомашинаи тамғаи "Опел-Вектра", Усмонова Нилуфар Убайдуллоевна, соли таваллудаш 1975, сокини шаҳраки Чоруқдаррони шаҳри Гулистон, ҳангоми ҳаракат аз самти шаҳри Истиқлол ба самти шаҳри Хуҷанд, дар роҳи нақлиётии "Душанбе-Хуҷанд-Чаннок" дар ҳудуди ноҳияи Б.Ғафуров аз уҳдаи идораи воситаи нақлиёт набаромада, ба автомашинаи тамғаи "Хундай-Старекс", таҳти идораи ронанда, Назирзода Сомон Назир, соли таваллудаш 2001, сокини ноҳияи Мастчоҳ, донишҷӯӣ соли 1-уми "ДДҲБСТ" дар шаҳри Хуҷанд, бархӯрдааст.
ВКД аз ҳалокати марди 60-сола дар роҳ ба бемористон хабар дод
"Дар натиҷа, автомашинаи тамғаи «Хундай-Старекс» чаппа шуда, мусофири дар дохилаш буда ноболиғ, Холов Аюбҷон Абдусатторович, соли таваллудаш 2010, сокини ноҳияи Мастчоҳ, хонандаи синфи 3-юми МТМУ, ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.
Манбаъ афзуда, ки аз рӯи ҳодисаи мазкур таҳқиқот идома дорад.
