Пеш аз интихобот: номзад ба Парлумон рисолаи илмиашро ҳимоя кард

© © Пресс-служба города ИсфарыМуджибахон Джавхарова, кондидат в депутаты Парламента -2020
Муджибахон Джавхарова, кондидат в депутаты Парламента -2020 - Sputnik Тоҷикистон
Обуна шудан
Муҷибахон Ҷавҳарова, номзад ба вакили Парлумон-2020 рисолаи илмиашро дар мавзӯи “Юсуф ва Зулайхо”- Ховарии Шерозӣ ва муқоисаи он бо достони ҳамноми Абдураҳмони Ҷомӣ” ҳимоя кардааст

ДУШАНБЕ, 31 янв — Sputnik. Бино ба иттилоъи Иқбол Тешаев, сухангӯи ҳукумати шаҳри Исфара, ҳимояи кори илмии Муҷибахон Ҷавҳарова, рӯзи 30-уми январ, дар ҷаласаи Шӯрои диссертатсионии Донишгоҳи давлатии омӯзгории Тоҷикистон ба номи Садриддин Айнӣ сурат гирифтааст.

Работа журналистов, архивное фото - Sputnik Тоҷикистон
Ба рӯзноманигорон гуфтанд дар бораи "Интихобот 2020" чӣ гуна нависанд

Ба гуфтаи Тешаев, 30-уми январ ҳамзамон зодрӯзи Ҷавҳарова буда ва соҳибҷашн дар ин санаи барояш муқаддас, рисолаи илмиашро бомуваффақона ҳифз намудааст.

Номзадии Ҷавҳарова Муҷибахон ба вакилии Маҷлиси намояндагони Маҷлиси Олии Ҷумҳурии Тоҷикистон ё Парлумон ҳанӯз рӯзи 13-уми декабри соли 2019 аз сӯи Ҳизби халқии демократии Тоҷикистон пешбарӣ шуда ва ҳоло таҳти рақами 15 дар қатори 28-номзад дар феҳристи ягонаи умумиҷумҳуриявии ин ҳизб қарор дорад.

Ба ҳисоби ӯ дар ин феҳрист номзадҳои ҲХДТ, 14 нафар занон шомил ҳастанд.

Ба иттилоъи манбаъ, Ҷавҳарова зодаи деҳаи Чоркӯҳи шаҳри Исфара буда, факултаи рӯзноманигории донишгоҳи давлатии Тоҷикистонро хатм кардааст.

Ӯ ҳоло директори Филиали Донишгоҳи технологии Тоҷикистон дар шаҳри Исфара аст.

Лентаи хабарҳо
0