ДУШАНБЕ, 15 янв — Sputnik. Кормандони милитсия марди 41 - сола, сокини ҷамоати деҳоти Озодагони ноҳияи Панҷро бо гумони одамкушӣ дастгир намуданд.
Ба иттилои котиботи Вазорати умури дохилии Тоҷикистон, ҳодисаи куштор рӯзи 14 - уми январи соли 2020 рух додаст.
Манбаъ меафзояд, сокини ноҳияи Панҷ дар хонаи истиқоматии худ бо марди 21 - сола, сокини ҳамин ноҳия муноқиша намуда, бо корди ошхонагӣ 2 маротиба ба гарданаш задааст.
Маҳкумшуда барои марги модар ҳангоми аёдати хешовандон боз куштор содир кард-видео
ВУД Тоҷикистон мегӯяд, дар натиҷа ҷабридида ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Гуфта мешавад, нисбати гумонбаршаванда, парвандаи ҷиноятӣ бо моддаи 104 қисми 1 Кодекси ҷиноятии Тоҷикистон оғоз карда шуда, тафтишот идома дорад.
