ДУШАНБЕ, 13 янв — Sputnik. Азиз Гиёзода - раиси ноҳияи Шуғнон, аз сӯи ҲХДТ аз ҳавзаи интихоботии Хоруғ № 41, ҳамчун номзад ба вакилӣ пешбарӣ гардид.
Тибқи иттилои мақомоти иҷроияи ВМКБ, номзадии Гиёзода дар конфронси минтақавии Ҳизби Халқӣ Демократии Тоҷикистон, субҳи рӯзи 13 январ дар шаҳри Хоруғи Вилояти Мухтори Куҳистони Бадахшон пешбарӣ шудааст.
Номзадии Гиёзода Азиз аз ҳавзаи интихоботии Хоруғ № 41 ба вакилии Маҷлиси намояндагон Маҷлиси Олии Ҷумхурии Тоҷикистон пешбарӣ гардидааст.
