ДУШАНБЕ, 19 дек - Sputnik. Русия аз даврони Шӯравӣ ифтихор мекунад, гуфт президент Владимир Путин дар нишасти матбуотии солона.
"Русия метавонад аз даврони Шӯравӣ ва дастовардҳои он ифтихор кунад", гуфт сарвари давлат ба саволи рӯзноманигорон.
Путин қайд кард, ки Русия ҳама дастовардҳои Шӯравиро истифода карда наметавонад. Гузашта аз ин, Сарвари давлат таъкид кард, ки дар тӯли даҳ соли охир дар Федератсияи Русия корҳои зиёде анҷом дода шудааст.
"75% иқтидорҳои истеҳсолии саноатӣ дар солҳои 2000-ум сохта шудаанд. Давраи миёнаи таҷҳизоти коркард 12 солро ташкил медиҳад. Се фурудгоҳи нав ва 12 вокзали нав сохта шуданд. Шумораи хатсайрҳои федералӣ ду баробар афзудааст: аз 39 ҳазор километр то 80 ҳазор", - гуфт президент.
Раҳбари Русия афзоиши содироти чорворо ба ёд овард. Илова бар ин, ҳоло дар Русия 600 кони нав мавҷуд аст, илова намуд ӯ.
Путин дар посух ба саволи “Русия дар асоси дастовардҳои Шӯравӣ зиндагӣ дорад”, - гуфт, ки "ин фикр ғалат аст".
Ёдовар мешавем, ки рӯзи панҷшанбе раҳбари Русия Владимир Путин 15-умин нишасти матбуотии худро баргузор кард. Чорабинӣ аз соли 2001 гузаронида мешавад.
Путин нишасти матбуотиро бо гузориш дар бораи нишондодҳои асосии иқтисодӣ ва иҷтимоӣ оғоз мекунад ва сипас ба саволҳои журналистон посух медиҳад.
Ин дафъа, 1895 рӯзноманигор дар нишасти матбуотии Путин роҳхат дарёфт кардаанд.
