ДУШАНБЕ, 17 дек — Sputnik. Собиқ раисҷумҳури Покистон Парвиз Мушаррафро додгоҳе дар Исломобод барои хиёнат ва саркашӣ аз Қонуни асосии кишвар ба ҳукми қатл маҳкум намуд, хабар медиҳад шабакаи Samaa.
Қайд карда мешавад, ки ин бори аввал дар таърихи Покистон рух додааст, вақте коллегияи суди махсус иборат аз се нафар собиқ роҳбари давлатро ба қатл маҳкум карданд.
Зимнан барзе аз расонаҳо менависанд, ки се додрас ҳукми худро нисбат ба генерал Мушарраф ҳанӯз як моҳ пеш содир карда буданд, аммо Додгоҳи олии Исломобод онҳоро аз эълони он манъ карда буд.
Парлумони Қирғизистон расман Отамбоев ва ҷонибдоронашро гунаҳкор эълон кард
Ёдовар мешавем, қаблан тафтишот муайян намуд, ки Мушарраф дар замони ҳукмронии ҷумҳурӣ хиёнат содир кардааст. Ин ҳодиса ҳанӯз соли 2007, замоне рух дод, ки вай дар кишвар вазъияти фавқулодда ҷорӣ кард ва фармон дод, ки аъзои Суди Олӣ ҳабс карда шаванд.
Тибқи қонунҳои Покистон, ҳар касе, ки сарқонунро тавассути истифода ё намоиш додани қувва вайрон мекунад, дар хиёнат гунаҳгор дониста мешавад. Ҳамзамон, хиёнати шадид боиси ҷазои қатл ё ҳабси якумра мегардад.
Худи Мушарраф дар ҳоли ҳозир барои муолиҷа дар Дубай қарор дорад. Додгоҳ соли 2016 ба ӯ иҷозат дод, ки барои муолиҷа ба хориҷ сафар кунад. Парвиз Мушарраф нахустин ҳокими низомии Покистон аст, ки муҳокима ва маҳкум мешавад.
