ДУШАНБЕ, 12 дек — Sputnik. Дар назди бозори "Берекет универсал" савдогарон боз даст ба тазоҳурот заданд, хабар медиҳад Sputnik Қирғизистон.
Гузашта аз ин тазоҳургарон аз қатъи пайопайи неруи барқ ба бозори мазкур сахт изҳори нигаронӣ мекунанд, чун маҳсулоти онҳо аз бебарқӣ дар дохили яхдонҳо вайрон гардидааст.
Манбаъ меафзояд, ки феълан даромадгоҳи асосии бозор маҳкам буда, ҳудуди 500 нафар фурӯшандаҳо дар назди бозор барои изҳори норизогияшон гирд омаданд.
Гуфта мешавад, назди тазоҳургарон муовини сарвазир Азиз Алимқулов ва ҳокими ноҳияи Ленин Тоқтосун Султонов барои музокира омаданд.
Тазоҳурот дар Бишкек: эътирозгарон боздошти собиқ мақомдори гумрукро тақозо доранд
Бояд гуфт, ки ин тазоҳуроти нахустини савдогарон набуда, онҳо аллакай барои чандин маротиба гирдиҳамоӣ намуданд.
Ҳанӯз моҳи сентябри соли равон, шаҳрдор Азиз Суракматов бо фурӯшандаҳои норизо вохӯрӣ анҷом дод ва ваъда дода буд, ки давоми 10 рӯз масъалаи бо барқ таъмин шудани ҷойи фурӯшашонро ҳал мекунад.
Ёдовар мешавем, ки ҳукумати Ош тасмим гирифта буд, дар ҷойи бозори феълӣ Маркази муосири савдоро бунёд мекунанд. Аз ин рӯ аз савдогарон талаб намуданд, ки ҷойи савдои худро тарк кунанд то корҳои сохтмонӣ оғоз ёбанд.
Тазоҳурот дар Тбилисӣ, ё иғво сари муносибатҳои Русияву Гурҷистон
Вале фурӯшандаҳо бар зидди тасмими гирифтаи ҳукумак муқобил баромада, борҳо даст ба эътироз зада буданд. Ҳукуматдорон мегӯянд бо сохта шудани Маркази муосири савдо фурӯшандаҳо метавонанд барои худ мағозаҳои алоҳидаро харид кунанд ва ё ба иҷора бигиранд.
Соли гузашта дар бозори Ош чандин бор сӯхтор сар зада буд ва фурӯшандаҳо аз ин оташсӯзиҳо хисороти зиёд диданд.
