ДУШАНБЕ, 3 дек — Sputnik. Бино бар ворид намудани тағйирот дар низоми интиқоли пул дар Тоҷикистон баъзе аз бонкҳои Русия ва ширкатҳои хизматрасон дар қаламрави ҷумҳурӣ ба мушкилот рӯ ба рӯ шуданд.
Намояндаи Бонки миллии Тоҷикистон ин вазъиятро шарҳ дода гуфт, баъзе аз низомҳо алакай дар қаламрави кишвар ба маркази протсесенгии миллӣ пайваст шудаанд.
“Низоми пардохти Contact и Юнистрим дар ҳоли ҳозир фаъолият доранд. Бо ширкати Western Union созишнома ба имзо расидааст, аммо баъзе аз корҳои техникӣ боқӣ мондааст. Ҳамааш давомоми ду ё се рӯз ба кор медарояд”, - таъкид кард сардори Шуъбаи матбуоти БМТ Мавҷуда Ҳасанова.
Бояд қайд кард, ки имрӯз дар идораҳои бонкҳои кишвар дар тамоми қаламрави кишвар навбатҳои мардум барои гирифтани маблағҳои интиқолдодашуда дида мешавад.
Хабарнигори Sputnik Тоҷикистон хабар додааст, ки дар ҳоли ҳозир дар шаҳрҳои Душанбе ва Хуҷанд танҳо низоми “Юнистрим” фаъол асту халос.
