ДУШАНБЕ, 26 ноя — Sputnik. Интизор меравад, рақобати қаҳрамони ҷаҳон оид ба муҳорибаҳои омехта дар вазни сабук Ҳабиб Нурмуҳаммедов ва ҳамтои амрикоии ӯ Тони Фергюсон рӯзи 18 - уми апрели соли 2020 дар шаҳри Ню -Йорк баргузор гардад.
Дар ин бора менеҷери қаҳрамони ҷаҳон, Алӣ Абдул - Азиз дар сафҳаи Twitter хабар додаст.
Here we go. The champ signed his bout agreement against tony Ferguson. This man has been asking for this ass whooping and now he has earned it April 18th the eagle will land in Brooklyn one more time. This one is for the fans. pic.twitter.com/ifG2f9Yt9l
— Ali Abdelaziz (@AliAbdelaziz00) 26 ноября 2019 г.
Алӣ Абдул - Азиз нусхаи созишнома бо имзои Ҳабибро дар сафҳаи худ бознашр намудаст.
"Рафтем. Санади рақобати ду размикор Ҳабиб ва Тонӣ ба имзо расид. Қаҳрамон ин санаро бисёр интизор буд ва акнун ба мақсади худ расид. Уқоб бори дигар дар Бруклин ба хотири ҳаводорони худ фуруд меояд", - навиштааст ӯ.
Зимнан раҳбари UFC Дана Уайт хабар додаст, ки муҳорибаи деринтизор дар толори Barclays Center дар шаҳри Ню-Йорке баргузор мегардад.
Ҳабиб дар бораи ғизоҳои Узбакистон ва рақобати бародараш-видео
Ёдрас мешавем, ки Ҳабиб Нурмуҳаммедов, размикори шинохтаи доғистонӣ дар Абу-Дабӣ шаби 7 - уми сентябр бо истифода аз усули буғикунанда рақиби амрикоияш Дастин Пуареро шикаст дод ва камарбанди қаҳрамонии худро барои маротибаи дуввум ҳифз кард.
