ДУШАНБЕ, 22 ноя — Sputnik. Бино ба иттилои дафтари матбуоти Вазорати умури дохилии Тоҷикистон, кормандони милитсия дар шаҳри Хуҷанд марди 60 - соларо бо гумони ташкил ва нигаҳдории фоҳишахона дастгир намуданд.
Тибқи иттилои манбаъ, номбурда 18 - уми ноябри соли равон, ҳавлии истиқоматияшро ба фоҳишахона табдил дода, барои алоқаи ҷинсӣ намудани марди 25 - солаи сокини Хуҷанд ва зани 32 - солаи сокини шаҳри Бӯстон шароит муҳайё намуда, аз онҳо 40 сомонӣ мукофотпулӣ гирифтаст.
Марди 32-сола дар Душанбе манзили иҷораашро ба фоҳишахона табдил дод
Инчунин, номбурда худи ҳамон рӯз дар ҳавлии истиқоматиаш, бар ивази 100 сомонӣ ба марди 25 - солаи сокини шаҳри Хуҷанд ва зани 37 - солаи сокини шаҳри Бӯстон, барои алоқаи ҷинси намудан шароит муҳайё намудааст.
Гузашта аз ин, соҳибхона рӯзи 19-уми ноябр низ барои алоқаи ҷинсӣ намудани марди 30 - сола ва зани 36 - солаи сокинони шаҳри Бӯстон шароит муҳайё намуда, аз онҳо 100 сомонӣ гирифтааст.
ВУД Тоҷикистон мегӯяд, нисбати номбурда парвандаи ҷиноятӣ бо моддаи 239 Кодекси ҷиноятии Тоҷикистон парвандаи ыиноӣ оғоз гардида, тафтишот идома дорад.
Манбаъ тавзеҳ медиҳад, ки боздоштшуда доғи судӣ дошта, қаблан бо моддаи 204 қисми 1(парвариши ғайриқонунии зироатҳои дорои моддаҳои нашъадори кишташон манъшуда) суд шуда буд.
