ДУШАНБЕ, 16 ноя — Sputnik. Раисҷумҳури Сербия Александр Вучич бар асари хурӯҷи бемории қалб бистарии беморхона гардид. Сиёсатмадор дар шӯъбаи кардиологии Академияи ҳарбии тиббӣ табобат мегирад, иттилоъ додааст маъмурияти сарвари давлати Сербия.
Котиби генералии раисҷумҳури Сербия ба шаҳрвандони кишвар аз вазъи саломатии раисҷумҳур иттилоъ дода афзудаст, ки Александр Вучич рӯзи 15 ноябр ба Академияи тиббии ҳарбӣ бинобар маризии дилу раг интиқол ёфт ва бистарии беморхона гардид.
Зимнан, маъмурияти раисҷумҳур афзудааст, ки феълан вазъи саломатии Вичуч мӯътадил арзёбӣ мешавад.
Як соли президентӣ: аксҳои хотирмон аз Владимир Путин
Вучич, ки ҳоло 49-сол дорад, соли 2014 сарвазири Сербия интихоб шуда, сипас дар соли 2017 дар курсии кишвардори Сербия нишаст.
Қобили зикр аст, ки Раисҷумҳури Сербия Алексндр Вичуч тоза аз ҳамоиши Порис оид сулҳ, ки кишвардори Тоҷикистон Эмомалӣ Раҳмон низ дар кори он иштирок намуда буд, баргаштаст.
