ДУШАНБЕ, 15 окт — Sputnik. Қисми аввали бозӣ байни мунтахаби Тоҷикистон ва Ҷопон бо ҳисоби мусовии 0:0 хотима ёфт.
Қисми дуюм моро бозии муҷалло интизор аст.
Бозии марҳилаи интихобии Ҷоми ҷаҳон-2022 байни дастаҳои мунтахаби Тоҷикистон ва Ҷопон соати 17:15, дар Варзишгоҳи марказии шаҳри Душанбе оғоз шуд.
Ногуфта намонад, ки барои иштирок дар бозии мунтахаби кишвар бо тими миллии Ҷопон 12 ҳазор чипта фурӯхта шудааст.
Хариди 12 ҳазор чипта ба бозии тимҳои Тоҷикистону Ҷопон: нарх – 20 сомонӣ
Бозии даври чаҳоруми мусобиқаи интихобии Ҷоми Ҷаҳон-2022 дар гурӯҳи F байни дастаҳои мунтахаби Тоҷикистон ва Ҷопон дар ҳолест, ки корбарони тоҷикистонӣ дар шабакаҳои иҷтимоӣ маъракаи густурдаи чиптахариро роҳандозӣ карда буданд ва инак, дастаҷамъона дар варзишгоҳ аз тими миллӣ ҷонибдорӣ мекунанд.
