ДУШАНБЕ, 12 окт — Sputnik. Бино бар иттилои дафтари матбуоти мақомоти шаҳри Хуҷанд, ахиран дар толори бинои мақомоти шаҳр курси семоҳаи омӯзишӣ “Зан-сарвар” барои омода намудани занону духтарони лаёқатманд ба вазифаҳои роҳбарикунанда оғоз гардид.
Тавре манбаъ қайд намудааст, дар ин маҳфили омӯзишӣ занону духтарони болаёқат ҷалб шуда, машғулиятҳо дар як ҳафта як маротиба рўзи панҷшанбе сурат гирифта, аз тарафи устодону профессорони донишгоҳҳои олӣ, ҳуқуқшиносон, наттоққон, бонувони барӯманди дар вазифаҳои давлатӣ фаъолиятнамуда ва равоншиносон машғулиятҳо гузаронида мешаванд.
Ба ин маҳфили омӯзиши ҷавондухтарони то синни 20-30 сола ба таҳсил фаро гирифта мешаванд.
“Дар фарҷоми барнома ҳар як шунаванда соҳиби “Гувоҳнома” мегардаанд”, - таъкид доштааст манбаъ.
Дар нахустин маҳфили омӯзишӣ мудири шуъбаи кор бо занон ва оилаи шаҳри Хуҷанд Муяссара Қаҳҳорӣ ва Арбоби давлатӣ, Шаҳрванди фахрии шаҳри Хуҷанд Биҳоҷал Раҳимова баромад намуда ба шунавандагон доир ба мақоми зан дар ҷомеъа андешаронӣ намуданд.
