ДУШАНБЕ, 11 окт — Sputnik. Ҳодисаи мазкур дар шаҳри Уси музофоти Тсзянсу дар қисмати шарқи Чин ба вуқӯъ омадаст. Лаҳза фуру рехтани пул наворгирӣ шуда дар шабакаҳои иҷтимоӣ роҳ ёфт.
Ба итилои хабаргузории "Синхуа", аснои фуру рехтани пули мошингузар зери он дасти кам се худрав дармонданд, ки дар натиҷа се нафар ба ҳалокат расиданд.
Бар тибқи маълумоти пешакӣ, иллати фуру рехтани пул аз ҳад зиёд будани бори мошинҳо гуфта мешавад.
Қайд мегардад, ки замони чаппа шудани пул аз болои он мошини боркаш, ки 187 тонна бори номаълумро дошт, гузаштааст.
Андуҳи Эмомалӣ Раҳмон аз фурӯрезии пули Итолиё (ВИДЕО)
Зикр мегардад, ки бо вуҷуди иҷозат надодан ба ронанда, ӯ аз болои пул гузашт, аммо пулро пурра убур накарда, онро шикаст.
Зимнан ин ронандаи ноуҳдабаро аз ҷойи ҳодиса фирор кардааст.
