Тавлиди маҳсулоти саноатӣ ба андозаи 16,2 миллиард сомонӣ дар 8 моҳ

© Sputnik / Александр Коркка / Гузариш ба медиабонкЧереповецкий металлургический комбинат
Череповецкий металлургический комбинат - Sputnik Тоҷикистон
Обуна шудан
Вазорати саноат ва технологияҳои нави Тоҷикистон аз афзоиши тавлиди маҳсулоти саноатӣ дар кишвар ба андозаи 13,3 дарсад тайи 8 моҳи соли ҷорӣ гузориш дод

ДУШАНБЕ, 26 сен — Sputnik. Дар ҳашт моҳи соли равон дар Тоҷикистон ба арзиши 16 миллиарду 272,1 миллион сомонӣ, муодили беш аз 1,6 миллиард доллар масолеҳи саноатӣ тавлид шуд, гузориш медиҳад ТоҷикТА.

Плавка в анодной печи в плавильном цехе - Sputnik Тоҷикистон
Ифтитоҳи корхонаи нави истеҳсоли арматура дар ноҳияи Рӯдакӣ

Бино ба иттилоъи Вазорати саноат ва технологияҳои нави Тоҷикистон,  ҳаҷми масолеҳи саноатии тавлидшуда дар муқоиса бо даври мушобеҳи соли гузашта 13,3 дарсад афзоишро нишон медиҳад.

“Рушди тавлиди маводи энержӣ ва ғайриэнержӣ, тавлиди маводи ғизоӣ, пардозиши чӯб ва тавлидоти бофандагӣ боиси болоравии ҳаҷми масолеҳи саноатӣ шуд”, - омадааст дар иттилоия.

Ахиран Вазорати рушди иқтисод ва савдои Тоҷикистон мегӯяд, маҷмӯи маҳсулоти дохилии кишвар дар ҳашт моҳи аввали соли 2019 зиёда аз 4,6 миллиард доллар ё 44 миллиарду 893,8 миллион сомониро ташкил дод, ки  нисбат ба ҳамин давраи соли гузашта 7,4% рушд ёфтааст.

Нигаронии Азим Иброҳим аз камсамарии илми тоҷик дар истеҳсолот: 170 нерӯгоҳ кор намекунанд

Манбаъ афзудааст, ки дар низоми ММД болоравии истеҳсоли маҳсулоти саноатӣ – ба 13,3 фоиз баробар шудаст. Ин нишондод дар ҳашт моҳи соли гузашта 12,9% буд.  Инчунин маҳсулоти кишоварзӣ - 8,3%, муомилоти савдои чакана - 8,5%, боркашонӣ - 4,7% ва хизматрасонии пулӣ - 2% афзоиш ёфтаанд.

Масъулини Вазорат, дар шарҳи афзоиши ҳиссаи саноат дар низоми ММД, ки дар 8 моҳ ба 17,9% баробар шудааст, изҳор доштаанд, ки болоравӣ ба амалисозии ҳадафи чоруми стратегӣ - саноатикунонии Тоҷикистон рабт дорад.

Лентаи хабарҳо
0