ДУШАНБЕ, 21 сен — Sputnik. Роҳбари иттифоқи касабаи муҳоҷирони меҳнатӣ Ринат Каримов зимни баромадаи худ дар НСН изҳор доштааст, қонуни нав, ки аз ҷониби раисҷумҳур Владимир Путин бо тасвиб расид, ба афзоиш ёфтани вуруди муҳоҷирони меҳнатӣ таъсиргузор нахоҳад буд.
Пешсафии тоҷикон дар дарёфти шаҳрвандии Русия: 29 ҳазор дар як сол
Ба боварии Каримов, чун ба қонуни тоза тасвибшуда, танҳо кормандони соҳибихтисос мувофиқат мекунанд, аз ин рӯ афзун шудани вуруди муҳоҷирони корӣ, аз эҳтимол дур аст.
"Миёни нафароне, ки ба иттифоқи касаба муроҷиат мекунанд, аслан хоҳишмандони дарёфти кори мувафиқ бештар ҳастанд, назар ба онҳое,ки ба хотири дарёфти шаҳрвандӣ ба Русия мераванд", - илова намудаст Каримов.
Ёдовар мешавем, ки чанде қабл Владимир Путин бо имзои қарори нав гирифтани шаҳрвандиро барои шаҳрвандони хориҷии дорои маълумоти олӣ ва ҷои кор, осон намуд.
Тибқи қарор муҳлати таҷрибаи корӣ барои гирифтани шаҳрвандии Русия барои шаҳрвандони хориҷии соҳиби маълумоти олӣ, аз се сол ба як сол оварда шуд.
Русия гирифтани шаҳрвандиро барои собиқ донишҷӯёни хориҷ осон мекунад. Навгонӣ, аз 2 октябри соли 2019 амалӣ хоҳад шуд.
