Парванда алайҳи 2 мард барои гирифтани 1 кило тилловории зан ва қарзи “Тоҷиксодиротбонк”

© Sputnik / Амир ИсаевГенеральная прокуратура РТ, архивное фото
Генеральная прокуратура РТ, архивное фото - Sputnik Тоҷикистон
Обуна шудан
Додситонии кулли Тоҷикистон алайҳи ду мард барои гирифтани наздики як кило тилловории зан ва таҳияи ғайриқонунии қарз ба номаш дар “Тоҷиксодиротбонк” парвандаи ҷиноӣ кушодааст

ДУШАНБЕ, 13 сен — Sputnik. Додситонии кул ду сокини Душанбе – мардони 49 ва 53-соларо дар қаллобӣ ва гирифтани ғайриқонунии кредит муттаҳам мекунад.

Хорогская гидроэлектростанция, архивное фото - Sputnik Тоҷикистон
Интиқоди Шарофзода аз Прокуратураи шаҳри Хоруғ ва ситоиш аз мактаби Оқохон

Тибқи иттилои ВУД,  марди 49-солаи сокини шаҳри Душанбе дар маслиҳати пешакӣ бо марди 53-солаи дигар даст ба қаллобӣ задааст.

 Манбаъ афзуд, ки муттаҳамон моҳи ноябри соли 2013 бо маслиҳати пешакӣ бо марди 53-солаи сокини пойтахт бо роҳи фиреб ба боварии зани 53-солаи сокини кӯчаи Борбади шаҳри Душанбе даромада, аз ӯ 953,3 грамм маснуоти тилловорӣ гирифтаанд.

Пирзода дар бораи фурӯши “Тоҷиксодиротбонк” ба арабҳо, пули мардум ва бонки исломӣ

Арзиши тилловориҳои гирифтаи ин ду мард 30 ҳазор доллари амрикоӣ арзёбӣ шуда, онҳо ба соҳоиби ҷавоҳирот ваъда додаанд, ки дар муддати 1-моҳ онҳоро фурӯхта, маблағашро бармегардонанд.

Галина Ярошевич - Sputnik Тоҷикистон
Шикваи зани 75-сола аз “Агроинвестбонк”: на 2000 долларамро медиҳанду на фоизашро

ВУД, афзуд, муттаҳамон маснуотҳоро бар ивази қарзашон ба шахси дигар дода, ба зани соҳиби мол ба маблағи 30 000 доллари амрикоӣ зарар расонидаанд.

“Инчунин, номбурдагон бо маслиҳати пешакӣ бо мақсади ғайриқонунӣ гирифтани кредит ба боварии зани мазкур даромада, аз “Тоҷиксодиротбонк” дар асоси шартномаи қарзӣ 29 000 доллари амрикоӣ қарз гирифта, ба манфиати шахсиашон сарф намудаанд”, - омадааст дар иттилоия.

Манбаъ таъкид намуд, ки феълан таҳқиқи парвандаҳои ҷиноӣ алайҳи муттаҳамон аз сӯи Додситонии кулли Тоҷикистон идома дорад.

Лентаи хабарҳо
0