Мардум имкон доранд, дар кул савори нақлиёти обӣ - гидросиклҳо ва катамаранҳо шаванд.
Масоҳати Маркази истироҳативу фароғатӣ ва сайёҳии кули “Душанбе” пеш аз азнавсозӣ 13 гектарро ташкил медод. Бо васеъ намудани ҳудуди Маркази истироҳатӣ ва фароҳам овардани имкониятҳои нави истироҳатӣ масоҳати он ба 17 гектар расонида шудааст.
Дарвозаи даромадгоҳи маркази фароғатӣ бо нақшу нигор ва услуби хоса ороиш дода шуда, ҳудуди он бо панҷараҳои ороишӣ иҳота карда шудааст.
Марказ метавонад дар як рӯз то ба 5 ҳазор меҳмонони дохилу хориҷи кишвар хизмат расонад.
Воридшавӣ ба ҳудуди ин Маркази фароғатӣ бо истифода аз тасмачаҳои махсуси электронӣ сурат мегирад, ки ин ба истироҳаткунандагон имконияти истифода бурдани тамоми иншооти марказро фароҳам месозад.
Дар қисмати шимолу шарқии Марказ ду таваққуфгоҳ барои 500 воситаи нақлиёт сохта шуда, роҳравҳои марказ пурра асфалтпӯш гардидааст.
Дар ҳудуди Маркази истироҳативу фароғатӣ ва сайёҳӣ 3 бинои нав бо санъати меъмории хоса сохта шудааст.
Маркази фароғатӣ аз пляж ва ҷои оббозӣ, аквапарк ва боғи ҳайвонот иборат аст.
Бузургтарин кӯл дар Осиёи Марказӣ дар Душанбе, чигуна сохта шуд - наво
Феълан кӯли "Душанбе" барои қабули мизоҷон омода буда, то охири мавсими оббозӣ бе рӯзҳои истироҳатӣ фаъолият хоҳад кард.
Зимнан даромад барои шахсони аз 50 сола ва кӯдакони қадашон то 140 сантиметр ройгон буда. барои калонсолон арзиши чипта ба парки обӣ 120 сомонӣ, барои кӯдакон - 50 сомонӣ ташкил медиҳад.
