ДУШАНБЕ, 6 сен — Sputnik. Тибқи иттилои Кумитаи миллии олимпии Тоҷикистон, XII Чемпионати ҷаҳон оид ба кураш миёни калонсолон 2-4 сентябр дар шаҳри Чунгҷуи ҷумҳурии Корея, дар доираи Ҷашнвораи байналмилалии ҳунарҳои размӣ баргузор шуд.
Манбаъ афзуд, дар қувваозмоиҳо варзишгарон аз 50 давлати дунё иштирок карданд ва Тоҷикистонро дар он Ҳақназар Назаров намояндагӣ мекард.
Бар асоси иттилоия, Назаров дар вазни -81 кило ба гирифтани ҷои сеюм мушарраф шуд. Дар ин вазн Сарвар Шомуродов аз Узбакистон ғолиб гардид. Медали нуқраро варзишгари Эрон Илёс Алӣ Акбарӣ, медали дигари биринҷиро Чун-Та Ҳуанг аз Тайпейи Чин ба даст оварданд.
Бозии ҷаҳонии қабилаҳо: дастаи Мурғоб ва Анақулов, Абдулҳаев, Ҳасанов бо медал баргаштанд
Қаблан мусобиқаи байналмилалии кураш барои ҷоизаи раисиҷумуҳури Узбакистон дар Тошканд баргузор шуда буд, ки паҳлавони тоҷик Темур Раҳимов дар он мақоми сеюм гирифта, соҳиби 10 ҳазор доллар шуд.
Дар Узбакистон 6 сентябр рӯзи Кураш, навъи миллии варзиш эълон шудааст.
