ДУШАНБЕ, 30 авг — Sputnik. Авохири ҳафтаи ҷорӣ Амрико бо намояндагони Толибон созишномаи сулҳро ба имзо мерасонанд, хабар медиҳад РИА Новости бо истинод ба маълумоти собиқ фармондеҳи ин гурӯҳ Акбар Алӣ.
Ба изҳори собиқ фармондеҳи Толибон, феълан матни озишнома омода буда, дар интизори имзо шудан қарор дорад.
"Ҷонибҳо ҳаматарафа ба мувофиқа расиданд ва матни созишномаро низ омода карданд....интизор меравад рӯзи шанбе ва ё якшанбе намояндагони Амрико ва Толибон онро ба имзо расонанд", - гуфтааст акбар Алӣ.
Изҳороти собиқ фармондеҳи Толибон дар ҳолест, ки намояндаи ин гурӯҳи ҷангҷӯ дар Доха, Суҳайл Шоҳин изҳор доштаст, ки гуфтушунидҳо миёни намояндагони ду ҷониб дар ҳолӣ ҷараён қарор дорад ва то ҳол ба мувафиқае нарасидаанд.
Зимнан Шоҳин зикр намудаст, ки қабл аз ба мувофиқа расидани Амрико бо Толибон бояд нахуст чанд масоили баҳсбарангез ҳалли худро пайдо кунад.
Маврид ба зикр аст, ки ҳайати намояндагии Амрико дар Доха рӯзи 22 август бо намояндагони Толибон сари мизи гуфтушунид нишастанд.
