ДУШАНБЕ, 17 авг — Sputnik. Амри Президенти Ҷумҳурии Тоҷикистон Эмомалӣ Раҳмон дар бораи эълон намудани Иди ангур ва Иди себ, рӯзи 17 августи соли 2019 ба тасвиб расид.
Дар ин бора котиботи раисиҷумҳур хабар медиҳад.
"Мутобиқи он ҳар сол шанбеи сеюми моҳи август Иди ангур ва шанбеи сеюми моҳи сентябр Иди себ баргузор карда мешавад", - омадааст дар хабарнома.
Дар ин росто, Вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо вазифадор гардиданд, ки баргузории чорабиниҳоро вобаста ба идҳои мазкур дар муҳлатҳои муқарраргардида таъмин намоянд.
