Эълон дар бораи оғози озмуни ҷумҳуриявии “Зебосанам – 2019”

© Пресс-служба президента ТаджикистанаДевушки в национальной одежде Хатлонской области Таджикистана
Девушки в национальной одежде Хатлонской области Таджикистана - Sputnik Тоҷикистон
Обуна шудан
Бахшида ба Солҳои рушди деҳот, сайёҳӣ ва ҳунарҳои мардумӣ дар Тоҷикистон озмуни ҷумҳуриявии зебоӣ ва ҳунар баргузор мегардад

ДУШАНБЕ, 4 авг - Sputnik. Марҳилаи аввали озмуни ҷумҳуриявӣ, таҳти унвони “Зебосанам -2019”, 6 август дар шаҳрҳои Хуҷанд, Бохтар, Кӯлоб, Хоруғ ва даври дуюм ва ниҳоии он моҳи ноябр дар шаҳри Душанбе ба нақша гирифта шудааст, хабар дод “Ховар”.

Конкурс красоты Miss International в Харькове - Sputnik Тоҷикистон
Мудели тоҷик дар озмуни MISS UNION Official Тоҷикистонро намояндагӣ мекунад

Манбаъ мақсад аз гузаронидани озмунро эҳёи анъанаҳои мардумӣ, рушду равнақи либосҳои миллӣ, тарғиби ҳунармандӣ дар байни ҷавондухтарон, бахусус интихоб ва пӯшидани либосҳои миллӣ, оро додани рӯю мӯй, тарзи дурусти истифодаи ҷавоҳирот аз ҷониби гулдухтарон, арҷгузорӣ ба анъанаҳои миллӣ, баланд бардоштани маърифати сиёсиву фарҳангии ҷавондухтарон ва ҳидояти онҳо барои бунёди оилаи солиму баркамол мебошад.

“Озмун аз рӯи шартҳои муаррифии ҳусни зебоии табиӣ, эҷодкорӣ, санъаткорӣ, малакаи суханварӣ, маҳорати либоспӯшӣ ва саҳнабароӣ, қобилияти ҳаракатҳои мавзун, қобилияти фикрронӣ, фарҳанги зебоипарастӣ ва ҳунарнамоӣ баргузор мешавад”, - омадааст дар иттилоия.

Манбаъ аз нишондодҳои оморӣ зикр кардааст, ки бар асоси он қисмати зиёди ҷомеаи Тоҷикистонро насли ҷавон ва хусусан ҷавондухтарон ташкил медиҳанд. Маҳз ҳамин қишр асосан дар марҳилаи гузариш аз айёми ҷавонӣ ба солорӣ қарор дорад, аз ин рӯ ҳарчи бештар ташкил намудани барномаҳои фарҳангиву фароғатӣ ва озмуну маҳфилҳо, бурдани корҳои фаҳмондадиҳиву таблиғотӣ миёни онҳо мувофиқи мақсад арзёбӣ шудааст.

Лентаи хабарҳо
0