ДУШАНБЕ, 2 авг — Sputnik. Бино бар хабари муовини раиси кумитаи занон Марҳабо Олимӣ дар маҳбасхонаҳои кившарҳои хориҷ наздии 160 нафар занони тоҷик адои ҷазои ҷиноятӣ доранд.
Ба гуфтаи Марҳабо Олимӣ аз шумораи занон, 90 нафарашон дар зиндонҳои Русия, 48 нафар дар давлатҳои Сурияву Ироқ ва боқимонда дар Чин ва Туркия қарор доранд.
Зуҳуров: беш аз 300 шаҳрванди гумроҳу фирефташудаи Тоҷикистон ба Ватан баргаштанд
Марҳабо Олимӣ қайд намуд, ки занони маҳкумшудае, ки дар Сурия ва Ироқ қарор доранд, ҷинояткор набуд, балки баръакс ҷабридида мебошанд.
Зеро заноне, ки зар зиндонҳои Сурия ва Ироқ қарор доранд бо ҷурми пайвастан ба гурӯҳҳои тундрав ва ҳамзистӣ бо ҷангҷӯёни "Гурӯҳи Исломӣ" гунаҳгор дониста мешаванд.
Зубайдзода дар Бейрут масъалаи бозгардонии занони тоҷикро аз Сурия баррасӣ кард
Ба гуфтаи вай ҳукумати Тоҷикистон талош дорад бегуноҳии ин занонро собит намуда онҳоро ба ватан баргардонад.
Аммо ба гуфтаи Марҳабо Олимӣ, Давлати Тоҷикистон ва гурӯҳи корӣ талош дорад, ки бегуноҳии ин занонро исбот намоянд, ки онҳо ҷабрдида ҳастанд.
Ҳамчунин қайд гардид, ки дар муассисаи ислоҳии занонаи шаҳри Норак 300 нафар занон қарор доранд, ки ҷиноятҳои гуногуни содир намудаанд ва намояндагони Кумитаи кор бо занон ва оила соле ду маротиба бо онҳо дидору суҳбатҳо мегузаронанд.
