ДУШАНБЕ, 17 июл — Sputnik. Раиси шаҳри Душанбе Рустам Эмомалӣ дар қароргоҳи беруназшаҳрии мақомоти иҷроияи ҳокимияти давлатии шаҳри Душанбе бо сарвазири Куриё Ли Нак Ён, ки бо сафари расмӣ ба Тоҷикистон омадааст, дидор кард.
Бино ба гузориши дастгоҳи раиси шаҳри Душанбе, дар вохӯрӣ масъалаҳои марбут ба ҳамкории дуҷониба байни Мақомоти иҷроияи ҳокимияти давлатии шаҳри Душанбе ва ҳукумати Куриё дар соҳаҳои гуногун мавриди музокирот қарор гирифт.
"Ҷонибҳо зимни баррасии масоили ҳамкорӣ ба ташкили корхонаҳои муштараки барои ҳар ду ҷониб муфид, аз ҷумла дар соҳаҳои коркарди ашёи хом, технологияи ҳозиразамон, саноати сабук ва дигар самтҳо ҳавасмандӣ зоҳир намуданд" - омадааст дар хабарнома.
Гуфта мешавад, ки бо мақсади таҳким ва тавсеаи ҳамкории самарабахш миёни пойтахтҳои ду кишвар, пешниҳод гардид, ки байни шаҳрҳои Душанбе ва Сеул муносибатҳои бародаршаҳрӣ ба роҳ монда шавад.
Сарвазири Куриё дар се рӯз бо Эмомалӣ Раҳмон ва Рустам Эмомалӣ мулоқот мекунад
Дар ин робита тарафҳо тасмим гирифтанд, ки ояндаи наздик санади ба роҳ мондани муносибатҳои бародаршаҳрӣ ба имзо расонда шавад.
Сарвазири Ҷумҳурии Корея бо даъвати Қоҳир Расулзода ба Тоҷикистон меояд
Манбаъ афзуда, ки вохӯрӣ ба таври созанда ва дар фазои ҳамдигарфаҳмии комил сурат гирифт.
